六月新娘(92)_张爱玲

九二

　　佩：走，走！（猛推清）

　　（清怀中米粉袋落地，泼翻裤脚皮鞋上。

　　（各人愕然。）

　　张太：做乜你身处有米粉？

　　佩：系咯！（用异样的眼光望清）

　　清：（支吾）呢个，呢个……（自拍裤，鞋）

　　曼：（代掩饰）呢啲唔系你检查嗰间酒家攞番去做证据嘅咩？

　　清：系系，挤咗落身度，一吓就唔记得咗添！

　　佩：睇吓你几论尽。

　　（阿四取扫帚扫地。）

　　曼：（向清）呢处唔使你帮手啦！

　　张太：系咯！出去啦，出去陪你爸爸，等住食萝卜糕啦。

　　（清、曼相向苦笑。

　　（清出。）

　　Diss.

　　（客室内——清伴张坐。）

　　张：阿清，呢位李小姐人品唔错，又识得落厨房，第日娶番来，一定系贤妻良母。你见过李小姐父母未呀？

　　清：仲未，约咗后日去李小姐屋企。

　　张：你几大要拍吓佢两老嘅马屁至得，一有机会即刻提婚事，越快越好。

　　清：爸爸好中意李小姐？

　　张：中意到极，而家咁嘅时势，边处仲揾得到咁嘅新抱呀。我地广东人，一定要娶番一个好似李小姐咁样嘅广东老婆至得。

　　清：（废然）咁如果佢唔系广东人，你就唔中意佢咯噃？

　　张：佢唔系广东人？笑话啦！唔通外江女会识得整咁靓嘅萝卜糕咩？（拈食）

　　张太：（探头入）唔好食呢啲啦，就有新鲜嘅食啦！

　　（清恐慌。

　　（张摩拳擦掌，准备大吃，起，挪椅。

　　（女佣入，摆碗筷。）

　　张：（向清）嚟嚟！

　　清：（微弱地）我唔饿！

　　张：（瞪他一眼）唔饿都要食啲！

　　（张太太、佩各端一盘热腾腾的糕入，曼随。

　　（张已举筷大吃。

　　（清如将判死刑。

　　（曼紧张地强笑。）

　　张太：试吓！（夹一块给清）

　　（清初试而不知其味，渐渐脸上现出惊奇的微笑。）

　　张：好嘢，仲好过头先嗰啲。

　　张太：冻嘅梗冇热嘅好食啦！

　　（清、曼相视而笑，均拭汗。

　　（曼开手袋取粉盒补粉，见清向曼作询问的眼光，曼示意清注意手袋。

　　（手袋内，有一本《如何做萝卜糕》的书。

　　（清恍悟。）

　　张：（向佩）咪一味识得食，第二次要你整比我食，知唔知？

　　曼：其实好容易整嘅，第日妹妹一定整得好过我。

　　（佩不示可否。）

　　F.O.

　　第十四场

　　景：姻缘道

　　时：夜

　　人：清，曼，情人数对

　　F.I.

　　（清、曼同行。）

　　清：总算过咗一关，我爸爸对你印象非常好。

　　曼：可是，他总有一天知道我不是广东人的。

　　清：迟吓，等爸爸同你有咗感情，嗰阵就算佢知道你唔系广东人都唔紧要咯！

　　曼：不要再说广东话啦！

　　清：（改说国语）对不起，忘了！

　　曼：明天这一关不容易过，我父亲的成见比你父亲更深。

　　清：而且我的国语没有你的广东话好，不容易充过去！

　　曼：这是你没有机会练习的关系。

　　（二人纳闷经过一块大石。）

　　清：这是我们的石头。

　　曼：（矫正发音）石头！

　　清：石头！

　　（二人坐石上。）

　　曼：我再也忘不了那天我们一起坐在这儿看日头出来。

　　清：什么日头？

　　曼：日头就是太阳。

　　清：日头。

　　曼：广东人学国语，这几个字总是闹不清：日头，石头，舌头。

　　清：易头，习头，鞋头。

　　曼：跟我念，（指）天上的日头，地下的石头，（伸舌）嘴里的舌头！

　　清：（看得出神）你个样真系得意！

　　曼：还不好好地学？天上的日头，地下的石头，嘴里的舌头！

　　（二人同声念，起行，相挽走远，念诵声渐近。）

　　D.O.

虚阁网(Xuges.com)