六月新娘(91)_张爱玲

九一

　　（饭后，女佣收拾好餐台，二老在休息，佩在打字。

　　（门铃响，佩近门，往开，张太太止之，抢往开门。

　　（门间，清偕曼入。）

　　清：妈妈，（指曼）呢位系李小姐。（指张太太）我妈妈。

　　曼：（很有礼的）伯母！

　　清：（介绍）我爸爸、妹妹！

　　曼：老伯，张小姐！

　　张太：请坐，请坐！

　　曼：听阿清话，老伯最中意食萝卜糕，所以今日特登做咗啲萝卜糕拎来孝敬老伯、伯母。（交纸包给张太太）

　　张太：乜李小姐萝卜糕都识整呀？真系叻啦！

　　曼：整得唔好！

　　张：唔使客气咯，而家啲女仔剩系肯自己落厨房做点心已经万二分难得咯！（望望佩）

　　（佩不悦。

　　（张拆开纸包取食。）

　　张太：！乜你咁，你想食，等我煎咗先至食呀！

　　（张很紧张地止住各人声张——全体静寂。）

　　张：（摇头闭目，作专家品题状）吓！好嘢！整得好味道，简直同我铺头做嘅一式一样！

　　佩：爸爸都唔知丑嘅，自己话自己铺头啲嘢好食！

　　张：使乜讲，我南兴酒家啲萝卜糕系出名嘅啦。李小姐居然能够整得一样咁好味道，真系架势！阿佩，你要同李小姐学吓至得，人地李小姐几能干！

　　（佩有愠色。）

　　张太：李小姐，唔啱你嚟教我地做萝卜糕，好唔好呀？

　　曼：（吃惊）唔得！我乱咁嚟嘅啫。

　　张太：做得咁好，仲使乜客气呀！

　　张：（突然地）吓！李小姐好面熟，好似响边处见过嘅？

　　曼：系咩？忽然间想唔起啦。

　　张：（继续吃糕，向妻）认真好味，你一定要叫李小姐教你点做至得，阿佩都可以学吓！

　　张太：李小姐，来来！（引路入厨）

　　（曼惊。清欲阻止。）

　　清：妈，李小姐第一次嚟就叫人落厨房，咁点得？

　　张太：怕乜嘢？一次生，两次熟啦嘛！（细声）就嚟做自己人咯！（径入厨）

　　佩：（低声）做乜咁快趣就心痛啦，又想认叻，又想摆小姐架子点得！

　　（O.S.张太太叫佩入，佩入厨。

　　（清与曼交换一瞥，无奈，跟入厨。曼走不数步，回身取手提包在手，然后入厨去。

　　（厨内——女佣在洗碗，张太太领佩、清、曼入。）

　　佣：太太，做乜嘢呀？

　　张太：我地请李小姐做萝卜糕！

　　佣：做萝卜糕？（愕然）

　　张太：得啦。（取出一大篮萝卜，向曼）先将啲萝卜点呀？

　　曼：（无奈，硬着头皮）洗干净先！

　　张太：（立即动手）阿四、阿佩，帮手洗萝卜！

　　（曼也只好加入。四女同洗萝卜，笑料百出，女佣啼笑皆非。）

　　清：（慌乱地）使唔使我帮手呀？

　　曼：你帮手批萝卜啦！（一面说，一面以眼色询清如何办）

　　清：（一面削，一面提醒曼）使唔使米粉？

　　曼：呀！……（望清，清猛向她打眼色）……当然要啦！

　　清：屋企好似冇米粉噃！

　　张太：有，响架处嚟，等我攞。（拭手）

　　（清一望身旁架上，真有一小袋米粉，忙取之藏怀内。）

　　张太：（在架上找）咦！啲米粉呢？点解唔见咗？

　　清：既然冇米粉，唔啱第日再做啦！

　　张太：做乜冇呀？阿四，今朝早我攞番嚟嗰啲米粉呢？

　　佣：我同你挤咗落罐度。

　　（清呆然。

　　（张太太由铁罐内取出米粉。

　　（清即借故解开张太太取出之布袋细视。）

　　清：哎吔，呢啲米粉有虫嘅！

　　张太：乱讲，今早至攞番嚟，点会有虫？

　　清：系唎，呢呢，啱啱见到一只虫。

　　佩：喂！我地呢处唔使你呢个卫生局帮办嚟检查卫生呀！

　　张太：如果嫌我地唔卫生，唔啱你一阵间咪食呀！

虚阁网(Xuges.com)